5–9歲 / 5-9 year-old
亞軍 / Runner-Up
《粉紅色水壺跟媽媽嘅生活》
作者 / Author︰Lara Morris
地區 / Region︰倫敦 / London
學校 / School︰@butehousepreparatoryschool
喺澳洲嘅夏天，一個粉紅色水壺好口渴。佢一歲就冇咗爸爸。爸爸本來係藍色水壺，但因為從來唔沖涼，發哂霉又有好多菌，最後死咗。
佢同黃色水壺媽媽一齊生活。媽媽要照顧水壺BB，所以冇返工。媽媽買好多嘢飲俾佢，例如水、果汁、牛奶同朱古力奶。
有一日，粉紅色水壺去紅色水壺朋友屋企玩，帶咗棋同卡牌。佢哋飲湯，又去草地玩捉迷藏。之後，大家去紅色水壺生日會，玩遊戲、送禮物同吹泡泡。
佢每日返學，老師都俾好多功課。好彩媽媽好有耐性，教佢做功課，佢唔識十二乘十二，媽媽就擺一百四十四件玩具俾佢數。
幾年後，有啲大水壺開始偷人哋嘅水。太陽太熱，吸乾晒所有水。後來天空落雨，大家先有返水。最後，大水壺知道偷水會傷害到細水壺，就俾返啲水佢哋。佢哋做咗朋友，明白要分享同埋互相幫忙。
💬 評審黎智豐博士評語
💬 Comments from Judge @drhugolaiii
作品充滿童趣，想像力亦相當豐富，仲建立咗一個有自己規則嘅水壺世界。擬人化雖然常見，但作者唔只係將水壺當成人寫，仲真係代入角色，由飲水、返學、家庭生活到缺水危機，都發展出自己一套連貫邏輯。情節天馬行空，同時保留住兒童視角嘅真誠同幽默。